ایس ٹی ای ٹی امتحان میں امیدواروں کو آٹھ برس کی چھوٹ

پٹنہ ہائی کورٹ نے سینئر اور سیکنڈری اسکول میں اساتذہ کی بحالی کے لیے ہونے والے ایس ٹی ای ٹی امتحانات میں امیدواروں کو عمر کی حد میں 8 برس کی چھوٹ دینے کی ہدایت بہار اسکول ایگزامنیشن بورڈ کو دی ہے۔

پنکج کمار سنگھ کی پٹیشن پر جسٹس انل کمار اوپادھیائے نے یہ ہدایت دی ہے۔ عرضی گزار کے ذریعے عدالت کو یہ بتایا گیا کہ نظم کے مطابق یہ امتحان ہر سال لیا جانا ہے لیکن یہ امتحان 2011 میں لیا گیا تھا اس کے بعد بہار اسکول ایگزامینیشن بورڈ نے اب 2019 میں اساتذہ بحالی کے لیے اشتہار شائع کیا ہے۔

ان گذشتہ آٹھ برسوں میں بہت سارے امیدوار بغیر کسی غلطی کے عمر کی حد پار کر گئے کیونکہ بحالی کا اشتہار ہی اتنے سالوں بعد نکلا ہے، اس لئے حکومت کو اس میں آٹھ برس کی چھوٹ دینی چاہیے۔