'ووٹ کٹوا' کے الزام پر چراغ کا جواب، 'میں مودی کا ہنومان'

بی جے پی اور ایل جے پی کے مابین تنازع کے درمیان چراغ پاسوان نے کہا کہ وہ مودی کے لیے ہنومان کی طرح ہیں کیوں کہ وہ مودی کی اندھی تقلید کرتے ہیں۔

پٹنہ: بہار اسمبلی انتخابات 2020 کی تاریخوں کے اعلان کے ساتھ ہی ریاست میں سیاسی سرگرمیاں تیز تر ہوتی جا رہی ہیں۔ جہاں سیاسی پارٹیاں ایک دوسرے پر خوب تنقید بھی کر رہی ہیں۔ اسی درمیان مرکز میں بی جے پی کے اتحادی ایل جے پی اور بی جے پی کے درمیان تنازع کی خبریں بھی سامنے آرہی ہیں۔ ایل جے پی کے خلاف بی جے پی کے رویے میں تبدیلی بھی دیکھی جارہی ہے۔ بی جے پی قائدین چراغ پاسوان اور ان کی پارٹی ایل جے پی پر مستقل بیانات دے رہے ہیں۔ بی جے پی نے ایل جے پی کو 'ووٹ کٹوا' پارٹی قرار دیا ہے۔

ای ٹی وی بھارت سے گفتگو کرتے ہوئے چراغ پاسوان نے کہا کہ میری پارٹی 'ووٹ کٹوا' نہیں ہے۔ انہوں نے یہ بھی کہا کہ بی جے پی قائدین ایسے الفاظ استعمال کر رہے ہیں، جس کا مجھے افسوس ہے۔ انہوں نے کہا کہ میں جانتا ہوں کہ بی جے پی قائدین پر دباؤ ہے۔ میں ان کی پریشانی کو سمجھ سکتا ہوں، ان پر بہار کے وزیر اعلی کا دباؤ ہے۔'

چراغ پاسوان نے کہا کہ نائب وزیر اعلی سشیل کمار مودی کے بیان سے مجھے تکلیف پہنچی ہے لیکن میں سمجھ سکتا ہوں کہ وہ ایسا بیان کیوں دے رہے ہیں؟ ای ٹی وی بھارت سے گفتگو کرتے ہوئے چراغ نے کہا کہ میں وزیر اعظم نریندر مودی کا اندھا مقلد ہوں اور میں قائد کی حیثیت سے ان کا احترام کرتا ہوں۔'

چراغ نے ای ٹی وی بھارت سے گفتگو کرتے ہوئے کہا کہ ہم اپنے منشور، تشہیری مہم کے مواد میں وزیر اعظم نریندر مودی کی تصویر کو استعمال نہیں کر رہے ہیں۔ انہوں نے کہا کہ وزیر اعظم مودی ہمارے لیے رام ہے اور میں ان کا ہنومان ہوں۔ چراغ نے کہا کہ وزیر اعظم مودی کی تصویر کی ضرورت ہے۔ ہم وزیر اعظم کے نظریہ پر آگے بڑھ رہے ہیں۔

چراغ نے مزید کہا کہ 10 نومبر کو ہر تصویر صاف ہوجائے گی۔ جب بہار میں بی جے پی-ایل جے پی کا اتحاد حقیقی ڈبل انجن کی سرکار بنے گی اور بہار کو ایک نیا وزیر اعلی ملے گا۔