پانچ نشست میں سے اتحاد کے کھاتے میں دو سیٹ گئی جبکہ ایک جے ڈی یو، ایک اے آئی ایم آئی ایم اور ایک آزاد امیدوار نے جیت درج کی۔ ضمنی الیکشن کے بہتر نتائج سے کانگریس بھی اطمینان میں نظر آ رہی ہے اور آگے کے لیے منصوبہ بنا رہی ہے۔
بہار کانگریس کے ریاستی صدر ڈاکٹر مدن موہن جھا آج ارریہ ایک تقریب میں شرکت کرنے پہنچے۔ اس سے قبل انہوں نے سرکٹ ہاؤس میں ضلع کے کانگریسی کارکنان کے ساتھ ایک اجلاس کی اور 2020 میں ہونے والے اسمبلی انتخابات کی اہمیت سے آگاہ کراتے ہوئے کہا کہ جتنے بھی کارکنان ہیں۔
'پارلیمانی انتخاب کے بعد عوام کا رجحان بدل رہا ہے' ابھی سے پنچایت سے لے کر بلاک سطح پر عوام کے درمیان جائے اور حکومت کے ذریعہ کیے گئے وعدے پورے نہ کرنے کو لیکر عوام سے رائے لیں، نیز حکومت کی ناکامی سے آگاہ کریں۔ بہار میں جس طرح سے جرائم پیشہ بے خوف ہو گئے ہیں، آئے دن کسی نہ کسی جگہ قتل، عصمت دری اور لوٹ مار کے واقعات ہو رہے ہیں مگر حکومت خاموش تماشائی بنی ہوئی ہے۔
ڈاکٹر مدن موہن جھا نے کہا کہ پارلیمانی الیکشن کے بعد سے لوگ خود کو ٹھگا ہوا محسوس کر رہے ہیں۔ لوگوں کا رجحان بدل رہا ہے، ملک میں جس طرح سے موب لنچنگ، کسانوں کی خودکشی، بے روزگاری بڑھی ہے، لوگ پریشان ہیں۔ امیر اور امیر ہو رہے ہیں، غریب اور غریب ہوتا جا رہا ہے۔ بڑے بڑے سرمایہ دار ملک چھوڑ کر فرار ہو رہے ہیں اور مودی جی بیرونی ملک گھوم کر واہ واہی لوٹ رہے ہیں۔ ملک کے مستقبل سے انہیں کوئی لینا دینا نہیں۔
نوجوان آج سڑکوں پر ہیں۔ مدن موہن جھا نے کہا کہ آنے والے اسمبلی انتخاب میں عظیم اتحاد پوری طاقت سے میدان میں اترے گی۔