ریاست اترپردیش کے گریٹر نوئیڈا میں ایک مقامی رضاکار تنظیم اوم وشرنتی چیریٹیبل سوسائٹی کی جانب سے ضرورتمندوں خاص کر بزرگ شہریوں میں چاول، دال، مصالحہ، دھنیا، مرچ، نمک سرسوں کا تیل صابن وغیر تقسیم کئے گئے۔
راشن کی تقسیم کے دوران لوگوں سے مناسب فاصلہ کے لئے معاشرتی دوری کا خاص خیال رکھا گیا۔
اس موقعے پر سوسائٹی کی صدر جیوتی سکسینہ نے موجودہ دور میں ڈاکٹروں، پولیس اہلکاروں، افسران، میڈیا ساتھیوں اور انتظامی افسران کے جذبے اور خدمات کی سراہنا کرتے ہوئے کہا کہ ’’یہ سبھی اپنی جانوں کو خطرے میں ڈال کر عوام کی مدد کرتے ہیں جس کی وجہ سے آج ہم سب محفوظ ہیں۔‘‘
انہوں نے وہاں موجود لوگوں سے بھی اپیل کی کہ وہ لاک ڈاؤن کی مکمل پاسداری کریں اور غیر ضروری طور پر اپنے گھروں سے باہر نہ آئیں ’’تب ہی ہم اس کورنا کی وبا پر قابو پا سکتے ہیں۔‘‘