اترپردیش حکومت کی شجرکاری مہم

اترپردیش حکومت کی شجرکاری مہم کو کامیاب بنانے کی غرض سے گریٹرنوئیڈا کے محمدپور، جادون گاؤں کے اسکول میں ایک پروگرام کا اہتمام کیا گیا۔

اس پروگرام میں مقامی رکن اسمبلی ٹھاکر دھیریندر پرتاپ سنگھ نے مہمان خصوصی کے طورپرشرکت کی۔ اس موقع پرانہوں نے پودا لگایا اورطلبا و طالبات کو درختوں کی اہمیت، پانی کے تحفظ اور ماحولیاتی تحفظ کے بارے میں تفصیلی جانکاری دی۔
انہوں نے کہا کہ ہرفرد کو کم از کم پانچ پودے لگانے چاہئے اور پودے لگا کر اس کی دیکھ ریکھ کرنا چاہیے۔
اس موقع پر اے بی آرسی اشوک کمار اور ارچنا شرومنی نے کنیا سومنگلا منصوبہ کے بارے میں بتایا۔ پرائمری اور ہائی اسکول کے طلبا میں رکن اسمبلی نے یونیفارمز بھی تقسیم کیے۔