غیر قانونی تشہیری ہورڈنگز کے خلاف بڑی کارروائی

نوئیڈا اتھارٹی نے غیر قانونی ہورڈنگ لگانے والے اداروں کے بارے میں سخت موقف اختیار کیا ہے۔ اتھارٹی نے 135 اداروں پر نوئیڈا ڈویلپمنٹ اتھارٹی کے دائرہ اختیار میں ہورڈنگز کو غیر قانونی طور پر تشہیر اور فروغ دینے پر 93 لاکھ 23626 روپے کا جرمانہ عائد کیا ہے۔

اتھارٹی نے ہدایت کی ہے کہ وہ یہ رقم سات دنوں میں جمع کرائیں۔ اس مدت کے دوران جس ادارے نے جرمانہ رقم جمع نہیں کیا اس کے خلاف قانونی کارروائی کی جائے گی۔

اتھارٹی کی سی ای او ریتو مہیشوری کی ہدایت پر 20 ستمبر سے 16 اکتوبر 2019 تک غیر قانونی ہورڈنگز کی نشاندہی کرنے کے لیے ایک مہم چلائی گئی۔

اس دوران ایم پی 2 روڈ پر 1525 غیر قانونی ہورڈنگز ، ایم پی 3 روڈ پر 640 ، اٹا میں 1000 ، سیکٹر 11/12 میں 485 ، دادری روڈ پر 1205 اور گولف کورس روڈ پر 150 غیر قانونی تشہیری ہورڈنگز پائے گئے۔ ان ہورڈنگز کو اتھارٹی نے ضبط کیا ہے اور متعلقہ اداروں کے خلاف جرمانہ عائد کیا گیا ہے۔