ڈاکٹر پر حملہ کرنے والے غنڈے گرفتار

گریٹر نوئیڈا کے جارچہ پولیس اسٹیشن کے پھول پور علاقے میں ڈاکٹر پر حملہ کرنے والے دو ملزمین کو پولیس نے گرفتار کر لیا ہے۔

دراصل کلینک میں ڈاکٹر نے ایک نوجوان سے ماسک لگانے کو کہہ دیا تھا جس پر نوجوان مشتعل ہو گیا اور کچھ دیر بعد اپنے ساتھی کے ساتھ واپس آیا اور ڈاکٹر پر فائرنگ کردی۔

اس معاملے میں پولیس نے دونوں ملزمان کو گرفتار کرلیا ہے۔ پولیس نے ملزم کے قبضے سے غیر قانونی اسلحہ بھی برآمد کیا ہے۔

ڈاکٹر راجارام نے پولیس کو بتایا کہ جمعرات کو پھول پور کا پرمیت کلینک پر دوا لینے آیا تھا اس نے ماسک نہیں لگایا تھا۔ ڈاکٹر نے ماسک لگانے کے لئے کہا جس پر پرمیت ناراض ہو گیا۔گالی گلوچ کے بعد چلا گیا ۔

کچھ دیر بعد پریمت اپنے دوست راہول کے ساتھ موٹر سائیکل پر آیا اور کلینک میں گھس کر فائرنگ کر دی ۔ پھر پرمیت اور راہل فرار ہوگئے۔

پولیس نے اس معاملے میں مقدمہ درج کرکے پرمیت اور راہل کو گرفتار کیا ہے۔پولیس کا کہنا ہے کہ دونوں شرپسندوں کے خلاف غنڈا ایکٹ اور ضلع بدر کے تحت کارروائی کی جائے گی۔