عآپ کارکنان کی ’زرعی بل‘ کاپی نذر آتش کرنے کی کوشش

عام آدمی پارٹی سے وابستہ کارکنان نے نوئیڈا میں ’’زرعی بل‘‘ کاپی نذر آتش کرنے کی کوشش کی تاہم پولیس نے انہیں ایسا کرنے سے روک کر انہیں حراست میں لے لیا۔

عام آدمی پارٹی (عآپ) سے وابستہ درجنوں کارکنان نے نوئیڈا میں سٹی مجسٹریٹ کے دفتر کے سامنے زرعی بل، جسے وہ ’’کسان مخالف کالے قانون‘‘ قرار دے رہے تھے، کی کاپیاں نذر آتش کرنے کی کوشش کی تاہم وہاں موجود پولیس نے کارروائی کرتے ہوئے کاپیاں چھین کر سب کو حراست میں لے لیا۔

بعد ازاں سبھی افراد کو رہا کر دیا گیا، جن میں ضلع صدر بھوپیندر جادون، جنرل سیکریٹری سنجیو نگم، نوئڈا مہانگر صدر پرشانت راوت، اقلیتی شعبہ کے ضلعی صدر دلدار انصاری، گڈو یادو، انیتا چوہان سمیت درجنوں کارکنان موجود تھے۔

عآپ کارکنان نے زرعی بل کی شدید مخالفت کرتے ہوئے اس کے خلاف شدید نعرے بازی کی۔

پولیس نے کارروائی کرتے ہوئے عآپ کارکنان کو حراست میں لے لیا

اس موقع پر ضلع صدر بھوپیندر جادون نے زرعی بل کو ’’کالا بل‘‘ اور ’’کسان مخالف‘‘ قرار دیتے ہوئے کہا: ’’اس سے کسان سڑکوں پر آ جائے گا اور ایک یومیہ اجرت کے مزدور جیسی صورت حال پیدا ہو جائے گی۔ عام آدمی پارٹی اس کی شدید مخالفت کرتی ہے۔‘‘