بولیرو اور موٹرسائیکل کی ٹکر، دو ہلاک

بہار میں پٹنہ ضلع کے فتوحہ تھانہ علاقہ میں سکندر پور گاﺅں کے نزدیک آج بولیرو اور موٹر سائیکل کی ٹکر میں دو نوجوان کی موت ہوگئی اور تین دیگر زخمی ہو گئے۔

پولیس ذرائع نے یہاں بتایا کہ موٹرسائیکل پر سوار دو نوجوان جارہے تھے تبھی سکندر پور گاﺅں کے نزدیک بولیرو اور موٹر سائیکل میں ٹکر ہو گئی۔ اس حادثہ میں دونوں نوجوانوں کی موت ہوگئی جبکہ بولیرو پر سوار تین دیگر زخمی ہوگئے ۔

ذرائع نے بتایا کہ زخمیوں کو نالندہ میڈیکل کالج ہسپتال میں داخل کرایا گیا ہے۔ مرنے والوں کی فی الحال شناخت نہیں کی جا سکی ہے۔ لاشیں پوسٹ مارٹم کیلئے بھیج دی گئی ہیں۔