اتراکھنڈ میں پتھوراگڑھ سے نابالغ لڑکی کو فرار کرنے اور اس کی عصمت دری معاملہ میں ملزم شخص کو گرفتار کیا گیا ہے۔
پولیس ذرائع نے بتایا کہ پتھوراگڑھ کے پانگلہ کے رہنے والے ایک شخص نے پولیس کو تحریر دے کر کہا تھا کہ دارچولہ نیپال کے رہائشی روی سنگھ ان کی نابالغ لڑکی کو بھگا کر لے گیا ہے۔
پولیس نے نوجوان کے خلاف معاملہ درج کرکے دونوں کی تلاش شروع کر دی۔ پتھوراگڑھ کی پولیس سپرنٹنڈنٹ (ایس پی) پریتی پریا درشنی کی ہدایت پر ملزم کو پکڑنے کے لیے پانگلہ تھانہ انچارج کی قیادت میں ٹیم تشکیل دی گئی۔ ٹیم نے اتوار دیر شب ملزم کو پانگلہ کے جیوتی پل سے گرفتار کر لیا۔
ملزم کی نشاندہی پر لڑکی کو بھی برآمد کر لیا گیا ہے اور اسے اہل خانہ کو سونپ دیا گیا۔
پولیس نے نوجوان کے خلاف پوکسو ایکٹ کے تحت معاملہ درج کر کے عدالت میں پیش کیا جہاں سے اسے جیل بھیج دیا گیا۔