جماعت اسلامی بیدر کا ایک روزہ تنظیمی اجلاس

پالیسی پروگرام کے تمام شرکاء نے مختلف موضوعات پر لوگوں سے خطاب کیا۔خواتین میں کام کی ذمہ داری محترمہ توحید سندھے ضلعی ذمہ دار خواتین ضلع بیدر کو دی گئی۔

ریا ست کرناٹک کے ضلع بیدر میں 'جماعت اسلامی ہند'، شاخ بیدر کی جانب سے میقاتی پالسیی اور پروگرام اپریل 2019 تا مارچ 2023 برائے وابستگان و ذمہ داران' جماعت اسلامی ہند' ضلع بیدر کے لئے ایک روزہ اجلاس رحمت فنکشن ہال بیدر میں منعقد کیا گیا۔

اجلاس کا آغاز حافظ محمد مشتاق احمد کی تلاوت کلام پاک سے ہوا۔ جبکہ محمد اکرم علی ناظم ضلع بیدر نے افتتاحی کلمات ادا کئے

پالیسی پروگرام کے تمام شرکاء نے مختلف موضوعات پر لوگوں سے خطاب کیا۔خواتین میں کام کی ذمہ داری محترمہ توحید سندھے ضلعی ذمہ دار خواتین ضلع بیدر کو دی گئی۔

اس موقع پر جماعت اسلامی شاخ بیدر کی جانب سے چلائی جارہی بلاسودی بینک کی تفصیلات بھی بیان کی گئی۔

اس موقع پر امیر مقامی نے کہا کہ جن احباب کو جو ذمہ داریاں دی جارہی ہیں وہ پوری دلچسپی اور لگن کے ساتھ انجام دیں۔

امیر مقامی محمد نظام الدین نے ضلع بھر کے ذمہ داران اور جماعت کے ذیلی تنظیموں کے وابستگان اور دیگر کا اس پروگرام میں شرکت کرنے پر شکریہ ادا کیا۔