مظفر نگر پولیس نے آکسیجن سے بھرے 30 سلنڈروں کے ٹیمپو کو پکڑا

ریاست اترپردیش کے ضلع مظفرنگر کے جاٹ کالونی میں واقع این سی سی روڈ پر آج صبح پولیس نے آکسیجن سے بھرے تیس سلنڈر کو اپنے قبضے میں لے لیا۔ پولیس نے ٹیمپو کو قبضہ میں لے کر جانچ شروع کر دی۔

شہر میں آکسیجن گیس کی بڑھتی ہوئی قلت کو دیکھتے ہوئے آکسیجن گیس کی کالابازاری زوروں پر ہے۔ آکسیجن کے سلنڈروں کی قلت کی وجہ سے منافع خور آکسیجن گیس کی کالابازاری کرنے میں مصروف ہیں۔ ان لوگوں کی وجہ سے ضرورت مند افراد تک آکسیجن گیس کے سلنڈر نہیں پہنچ پا رہے ہیں۔ ضلع انتظامیہ بھی ہر وہ ممکن کوشش کر رہا ہے، جس سے اس کالا بازاری کو روکا جا سکے۔

دراصل سارا معاملہ مظفرنگر میں واقع جاٹ کالونی کا ہے۔ یہاں پر آج صبح جب ایک آکسیجن سے بھرے چھوٹے ٹیمپو کو وہاں کے مقامی لوگوں نے آکسیجن سپلائی کرتے ہوئے دیکھا تو انہوں نے پولیس کو اطلاع کر دی۔

پولیس نے موقع پر پہنچ کر آکسیجن سلنڈروں سے بھرے ٹیمپو کو اپنے قبضے میں لے لیا اور تھانہ سول لائن لے آئی۔

وہیں آکسیجن گیس کی سپلائی کر رہے مالکان کا کہنا ہے کہ یہ آکسیجن گیس سلنڈر ہسپتالوں کو سپلائی کرنے کے لیے جا رہے تھے جن کو پولیس نے اپنے قبضہ میں لے لیا۔