مرباڈ تعلقہ کے ٹوکاؤڈے میں واقع کرپت واڑی گاؤں میں ایک تیندوے نے اس کے سات برس کے بھائی پر حملہ کر دیا تھا لیکن 14 برس کے نریش نے ہمت دکھاتے ہوئے تیندوے کا ڈٹ کر مقابلہ کیا۔
بڑے بھائی کی بہادری سے چھوٹے بھائی کی جان بچ گئی
بڑے بھائی کی بہادری سے چھوٹے بھائی کی جان بچ گئی
ریاست مہاراشٹر کے ضلع تھانے میں ایک 14 برس کے لڑکے نے بہادری کا مظاہرہ کرتے ہوئے اپنے چھوٹے بھائی کو تیندوے کا شکار ہونے سے بچا لیا۔
thane
گذشتہ جمعے کو نریش کالو رام بھالا (14 برس) اور ہرشد وٹھل بھالا (7 برس) اپنی دادی کے ساتھ مرباڈ فوریسٹ رینج کے پاس واقع اپنے کھیت میں تھے۔ ان کی دادی کھیت میں کام کر رہی تھیں۔
اس دوران دونوں بچے بلیک بیری پھل کی تلاش میں کھیت سے آگے نکل گئے۔ تب جھاڑیوں میں چھپے تیندوے نے نریش پر چھلانگ لگا دی لیکن اس کے تیزی سے پیچھے ہٹنے پر تیندوے نے ہرشد پر حملہ کرتے ہوئے اسے زخمی کر دیا۔ نریش کی بہادری کے آگے تیندوے کو ہارنا پڑا اور اس نے ہرشد کو اپنے قبضے سے چھوڑ دیا۔