ممبئی: سیکس ورکرز کے لیے ویکسین کا انتظام

ممبئی کے کماٹی پورہ علاقے میں سیکس ورکرس کو ویکسین دینے کے تعلق سے رکن اسمبلی امین پٹیل سے خاص بات چیت۔

ممبئی کے کماٹی پورا علاقوں میں سیکس ورکرس کی خاصی تعداد ہے۔ کورونا کی پہلی لہر کے بعد یہ علاقہ کورونا فری ہوا تھا۔ اب جب دوسری لہر کے خطرناک نتیجے سامنے آئے تو سیکس ورکرس میں خوف کا ماحول ہے۔ ایسے میں ویکسین کے لیے انہیں راضی کرنا بہت مشکل کام تھا۔

مقامی غیر سرکاری تنظیمیں اور مقامی سماجی کارکنان اُنہیں سمجھانے کی ہر ممکن کوشش کر رہے ہیں جس کے بعد یہاں کی سیکس ورکرز نے اس بات کے لیے حامی بھری ہے کی وہ ویکسین لگوائیں گی۔ علاقے کے رکن اسمبلی امین پٹیل سے ممبئی کے ہمارے نمائندے شاہد انصاری نے اس تعلق سے بات کی۔