بحر عرب میں طوفان کا خطرہ، کوسٹ گارڈ نے کی اپیل

جنوبی بحریہ عرب میں دباؤ کے سبب بڑے طوفان کے آثار ہیں۔ اس بات کو دیکھتے ہوئے انڈین کوسٹ گارڈ نے ساحلی علاقوں پر آباد بستیوں اور سمندر میں موجود ماہی گیروں کو اس کی اطلاع دیتے ہوئے اُنہیں جلد سے جلد سمندر سے نکلنے کی ہدایت دی ہے۔

بحر عرب میں بڑے طوفان کے خدشے کے پیش نظر احتیاط کے طور پر مہارشٹر، گوا، کرناٹک، کیرلا اور لکشدیپ کے ساحل پر موجود سبھی ماہی گیروں کو بھی جلد سے جلد واپس آنے کی اپیل کی ہے۔

کوسٹ گارڈ نے اپنی اپیل میں کہا کہ آنے والے تین دن سمندری زندگی کے لیے خطرناک ثابت ہو سکتے ہیں۔ اس طوفان سے مقابلہ کرنے اور جانی و مالی نقصان سے عوام اور ماہی گیروں کو بچانے کے لیے ہر حال میں سمندر سے دور بھیجنا ہوگا۔

ساحلی علاقوں کو جلد سے جلد خالی کرانے کی کوشش کی جارہی ہے تاکہ جانی نقصان نہ ہو۔ ماہی گیروں کو اُن کی کشتیوں کو کنارے لاکر مضبوطی سے باندھنے کا حکم دیا گیا ہے اور اُنہیں آئندہ تین دونوں تک مچھلی کے شکار سے منع کیا گیا ہے۔