انل دیشمکھ کے خلاف ای ڈی نے لُک آوٹ نوٹس جاری کیا

انفورسمنٹ ڈائریکٹوریٹ (ای ڈی) نے مہاراشٹر کے سابق وزیر داخلہ اور این سی پی لیڈر انل دیشمکھ کے خلاف لک آؤٹ نوٹس جاری کیا ہے۔ نوٹس جاری ہونے کے بعد دیشمکھ ملک سے باہر نہیں جا سکتے ہیں۔

انفورسمنٹ ڈائریکٹوریٹ (ED) نے مہاراشٹر کے سابق وزیر داخلہ اور این سی پی لیڈر انیل دیشمکھ (Anil Deshmukh) کے خلاف لُک آؤٹ نوٹس جاری کیا ہے۔ لُک آوٹ نوٹس جاری ہونے کے بعد دیشمکھ ملک سے باہر نہیں جا سکتے ہیں۔ ای ڈی نے یہ لک آؤٹ نوٹس 100 کروڑ روپے کی ریکوری کے الزام کے معاملے میں جاری کیا ہے۔

ای ڈی کی جانب سے لک آؤٹ نوٹس جاری کیے جانے کے بعد ملک بھر کے تمام ہوائی اڈوں کو اس کے بارے میں مطلع کر دیا گیا ہے۔ معلوم ہوکہ وصولی کے الزامات کے بعد انل دیشمکھ کو وزیر داخلہ کے عہدے سے استعفی دینا پڑا۔ دیش مکھ کو ملک چھوڑنے سے روکنے کے لیے ای ڈی کی جانب سے لوک آؤٹ سرکلر جاری کیا گیا ہے۔ انل دیشمکھ کو ای ڈی نے اب تک پانچ بار طلب کیا ہے لیکن وہ پیش نہیں ہوئے۔

وہیں گزشتہ مہینے سپریم کورٹ نے بھی اس کیس میں انہیں عبوری راحت دینے سے انکار کر دیا تھا۔

بتادیں کہ ممبئی پولیس کے سابق کمشنر پرمبیر سنگھ نے مہاراشٹر کے سابق وزیر داخلہ انل دیشمکھ پر 100 کروڑ روپے کی وصولی کے لیے پولیس افسران کا غلط استعمال کرنے کا الزام عائد کیا ہے۔ اس معاملے میں سی بی آئی تحقیقات جاری ہے۔ دوسری جانب ای ڈی نے منی لانڈرنگ کے معاملے میں بھی اپنی تحقیقات شروع کر دی ہیں۔ اس سلسلے میں ای ڈی نے دیشمکھ کے کئی مقامات پر چھاپے بھی مارے تھے۔