سوشل اکاؤنٹ ہیکر گجرات سے گرفتار

ممبئی سائبر سیل نے سو سے زیادہ کمسن لڑکیوں کے سوشل اکاؤنٹ ہیک کرکے ان کی تصویروں سے چھیڑ چھاڑ کر سوشل سائٹس پر اپلوڈ کرنے کی دھمکی دینے والے ایک ملزم کو گجرات سے گرفتار کرکے ممبئی لائی ہے۔

ریاست مہراشٹر کی ممبئی سائبر سیل نے ایک ایسے ملزم کو گرفتار کیا ہے جس نے سو سے زیادہ کمسن لڑکیوں کے سوشل اکاؤنٹ ہیک کرکے انکی تصویروں سے چھیڑ چھاڑ کر سوشل سائٹس پر اپلوڈ کرنے کی دھمکی دیتا تھا۔

سائبر سیل کی ڈی سی پی رشمی کرندیکر نے بتایا کہ ملزم پہلے متاثرہ کے انسٹاگرام اکاؤنٹ ہیک کرتا تھا اور پھر انکی تصویروں کو مارفینگ کر کے انہیں بلیک میل کیا کرتا تھا۔

ملزم کے بلیک میلنگ کی شکار متعدد نابالغ لڑکیاں بھی ہوئی ہیں، جسکے بعد معاملے کی شکایت سائبر پولیس تھانے میں کی گئی، شکایت کے بعد کیس کی جب جانچ کی گئی تو ملزم کو گجرات سے گرفتار کر کے ممبئی لایا گیا۔

محکمہ سائبر سیل نے بتایا کہ ملزم اس طرح کی حرکتوں کا عادی ہے، اس سے پہلے بھی اسے پونے پولیس نے گرفتار کیا تھا۔

سائبر سیل نے عوام کو اس بات کی تاکید کی ہے کہ وہ اپنے سوشل اکاؤنٹ کے پاسورڈ اور اہم جانکاریاں کسی سے بھی شیئر نہ کریں، اسکے علاوہ کچھ ہدایتیں ہیں جن پر لوگ عمل کریں، تاکہ وہ اس طرح کی وارداتوں سے محفوظ رہیں۔

انہوں نے یہ بھی اپیل کی ہے کہ اگر اس ملزم کا شکار کوئی اور ہوا ہے تو وہ اسکی جانکاری سائبر سیل کو دیں۔