نائب وزیر اعلی نے نجی اسپتالوں کو اس معاملے میں سخت انتباہ دیا کہ اگر کورونا سے متاثرین کے علاج میں کوتاہی برتی جائے گی تو سخت کارروائی کی جائے گی۔
انہوں نے کہا کہ نجی اسپتالوں کا ایسا کرنا غیر اخلاقی رویہ ہے۔ اجیت پوار نے اعلی افسران کے ایک اجلاس میں کووڈ 19 کی صورت حال کا جائزہ لیا اس دوران انہوں نے کہا کہ خاطی اسپتال کے خلاف سخت کارروائی کی جائے گی۔
اجلاس کے دوران اسکولوں کے کھلے جانے کے سوال پر انہوں نے کہا کہ اس بارے میں بہت جلد فیصلہ لیا جائے گا۔ انہوں نے کہا کہ ریاست میں بہت سے لوگ لاک ڈاون کے اصولوں پر عمل نہیں کررہے ہیں۔
پوار نے کہا کہ مہاراشٹر حکومت نے 'مشن بگن اگین' (مشن دوبارہ شروع) کے نام سے معاشی اور عوامی حمل ونقل شروع کرنے کے لیے ایک مہم شروع کی ہے جس کو فیز وائز کھولا جائے گا۔
خیال رہے کہ مہاراشٹر بالخصوص ممبئی اور پونے میں کورونا وائرس سے متاثرین کی تعداد میں دن بہ دن اضافہ ہی ہوتا جارہا ہے۔