مسلمانوں سے حق رائے دہی کے استعمال کی اپیل

مہاراشٹر کے دارالحکومت ممبئی سے متصل تھانے ،بھیونڈی ،کلیان اور پالگھر پارلیمانی نشست پر 29 اپریل کو انتخابات ہونے ہیں۔

انتخابات کے پیش نظر ووٹرز میں سیاسی شعور اور بیداری لانے کے لئے مساجد میں جمعہ کے خطبہ سے لیکر دیگر کوششوں سے ووٹنگ فیصد کے تناسب میں اضافہ کرنے کے لیے مسلم ملی سماجی تنظیمیں لگاتار بیداری لانے کی مہم چلارہی ہیں۔

انتخابات میں مسلم ووٹرز کے حصہ نہ لینے کے سبب ایک بڑی آبادی ہونے کے باوجود وہ ووٹ میں تبدیل نہیں ہوپاتے ہیں. جسکے سبب بہتر امیدوار منتخب ہوکر ایوان تک نہیں پہنچ پاتا ہے۔

جمعیت العماء ہند کے تھانے ضلع صدر مفتی حذیفہ قاسمی کا کہنا ہیں کہ 'انتخابات کے دوران ووٹ دینے ایک قومی فریضہ ہے اس بات کا خیال سبھی مسلمانوں کو رکھنا چاہیے'۔

انہوں نے مذید کہا کہ 'اگر مسلمان اپنے سیاسی شعور کا استعمال کرے تو اس سے بہتر نتائج آسکتے ہیں'۔

انہوں نے ملت مسلمہ سے اپیل کیاکہ اپنے حق رائے دہی کا استعمال کریں تاکہ صحیح امیدوار کا انٹخاب ممکن ہوسکیں'۔