ان اسپتالوں میں کورنٹائن سینٹرز شروع کرنے کے سبب کئی مریضوں کو ڈسچارج کر دیا گیا ہے جبکہ نئے مریضوں کو علاج کے لیے داخل کرنے سے انکار کر دیا گیا ہے۔
جس کی وجہ سے او پی ڈی کا انتظام ہندماتا فلائی اوور کے نیچے کیا گیا ہے جہاں مریضوں کی جانچ کی جا رہی ہے۔
اس فلائی اوور کے نیچے اس وقت 50 سے زائد مریض اور ان کے اہل خانہ رہ رہے ہیں۔ ان میں سے کچھ مریض ٹاٹا اسپتال کے ہیں۔
ان میں سے زیادہ تر مریض ممبئی کے باہر سے آئے ہیں جبکہ کچھ مریض دیگر ریاستوں سے بھی علاج کے لیے آئے ہیں۔
لاک ڈاون کی وجہ سے مذکورہ افراد فلائی اوور کے نیچے رہنے پر مجبور ہیں۔
بی جے پی کے سابق رکن پارلیمان کریٹ سومیا نے ہندماتا فلائی اوور کا جائزہ لیا اور مریضوں اور ان کے اہل خانہ کے لیے مناسب انتظامات کرنے کا مطالبہ کیا ہے۔
اس کے ساتھ ہی ممبئی کی میئر کشوری پیڈنیکر نے بھی فلائی اوور کے نیچے رہنے والے مریضوں اور ان کے اہل خانہ سے ملاقات کی اور ان کے لیے تمام طرح کی سہولیات مہیا کرانے کی ہدایت متعلقہ محکمہ کو دی ہے۔