مالیگاؤں فائرنگ معاملے میں نوجوان گرفتار

مالیگاؤں میں آزاد نگر پولیس اسٹیشن کی حد میں واقع روشن آباد علاقے میں معمولی تنازعہ کے سبب ایک نوجوان نے فائرنگ کردی۔

ریاست مہاراشٹر کے مسلم اکثریتی شہر مالیگاؤں میں پولیس کنٹرول روم سے موصولہ اطلاعات کے مطابق آزاد نگر پولس اسٹیشن کی حد میں واقع روشن آباد کے علاقے میں معمولی تنازعہ کے سبب ایک نوجوان نے فائرنگ کردی۔ لیکن گولی چلنے سے کوئی جانی نقصان نہیں ہوا۔

اس معاملے میں آزاد نگر پولس اسٹیشن نے امتعلقہ دفاعات کے تحت شیخ انور، سمندری شیخ ملی اور شدیم کے خلاف مقدمہ درج کر لیا ہے۔

اس معاملے میں محمد عامر محمد صدیق (25) سالہ ساکن روشن آباد نے اپنی شکایت درج کرائی اور بتایا کہ معمولی تنازعہ کے سبب ان چاروں نے مذکورہ حرکت کی ہے۔ اس واقعہ کی رپورٹ شہر کے ایڈیشنل ایس پی چندرکانت کھنڈوی کو ملتے ہی موصوف نے فوری طور پر جائے وقوع پر پہنچ کر جائزہ لیا۔

بعد ازاں آزاد نگر پولس عملہ کو حکم دیا کہ سامنے والے ملوث افراد کو تلاش کر کے اور ان کی گرفتاری عمل میں لائی جائے۔ وہیں گرفتار نوجوانوں کو کورٹ نے دونوں کی پولس تحویل دے دی ہے۔ اس دوران گرفتار نوجوانوں سے آزاد نگر پولس عملہ مزید چھان بین اور تحقیق کرے گا۔ معلوم ہو کہ اس فائرنگ کی آواز سے اطراف کے ساکنین میں خوف کا ماحول دیکھا گیا۔