مہاراشٹر میں کورونا کےایکٹو کیسز کم ہوکر 57000 کے قریب

ملک میں کورونا وبا سے سب سے زیادہ متاثر مہاراشٹر میں کورونا کے ایکٹو کیسز میں 3،188 کی مزید کمی کے بعد ایکٹو کیسز کم ہوکر 57،159 رہ گئے ہیں۔

ریاست میں گذشتہ 24 گھنٹوں کے دوران 2,498 نئے کیسز سامنے آنے سے متاثرہ افراد کی مجموعی تعداد بڑھ کر19،22،048 ہوگئی ہے۔ سرکاری ذرائع کے مطابق اس دوران مزید 4،501 مریضوں کے صحتیاب ہونے سے کورونا سے نجات پانے والوں کی تعداد 18،14،449 ہوگئی ہے اور مزید 50 مریضوں کی موت ہونے سےمرنے والوں کی تعداد 49،305 ہوگئی ہے۔

ریاست میں مریضوں کے صحتیاب ہونے کی شرح جزوی اضافے کے ساتھ بڑھ کر 94.40 فیصد ہوگئی جبکہ اموات کی شرح 2.57 فیصد ہے۔ واضح رہے کہ مہاراشٹرا ملک میں کورونا انفیکشن ، صحتیابابی اور وائرس سے ہونے والی اموات کے معاملے میں پہلے نمبر پر ہے۔

یو این آئی