ریاست میں صدر راج کا نفاذ ضروری

گرلز ہاسٹل میں لڑکی کو برہنہ کرکے رقص کروانے کی ویڈیو وائرل ہونے کے بعد بی جے پی رہنما سدھیر منگٹی وار نے ایوان اسمبلی میں مطالبہ کیا کہ اب ریاست میں صدر راج کے نفاذ کی نوبت آگئی ہے۔

ریاست مہاراشٹر کے دارالحکومت ممبئی میں اب صدر راج نافذ کر نے کی نوبت آگئی ہے مہاراشٹر کے جلگاؤں میں گرلز ہوسٹل خواتین کی قیام گاہ میں ایک لڑکی کو برہنہ کرکے رقص کرنے کے لیے مجبور کرنے والا ویڈیووائرل ہونے کے حساس واقعہ کے بعد آج مہاراشٹر قانون ساز اسمبلی میں بی جے پی رہنما ور کن اسمبلی سدھیر منگٹی وار نے ناراضگی کا اظہار کرتے ہوئے اجلاس کے دوران ریاست میں صدر راج نافذ کر نے کا مطالبہ کیا ہے۔

انہوں نے کہا کہ ریاست کے حالات کچھ اس طرح کے ہیں کہ یہاں صدر راج نافذ کرنے کی نوبت آگئی ہے اس پر وزیر اقلیتی امور نواب ملک نے اعتراض درج کراتے ہوئے یہ مطالبہ ایوان کے کام کاج سے حذف کرنے کا سپیکر سے مطالبہ کیا ہے۔

واضح رہے کہ جلگاؤں میں ایک گرلز ہوسٹل میں لڑکی کو برہنہ کرکے رقص کروانے کی ویڈیو وائرل ہوگئی تھی اس کے بعد ریاست میں سنسنی پھیل گئی تھی۔

آج اسی کا ردعمل ایوان اسمبلی میں دیکھنے کو ملا رکن اسمبلی شویتا مہالے نے جلگاؤں کے واقعہ پر آواز بلند کی تھی پولیس خواتین کی محافظ ہے لیکن اس کے باوجود لڑکی کو برہنہ کرکے خواتین کے ساتھ نا انصافی کی جارہی ہے جو انتہائی حساس معاملہ ہے۔

سدھیر منگٹی وار نے ایوان اسمبلی میں مطالبہ کیا کہ اب ریاست میں صدر راج کے نفاذ کی نوبت آگئی ہے

بی جے پی رہنما سدھیر منگٹی وار نے کہا کہ اس قسم کے واقعات سے ناراضگی میں اضافہ ہوا ہے۔ میں دستور کو تسلیم کرتا ہوں اسے مانتا ہوں اور اس کا پاسدار بھی ہوں لیکن ریاست میں ہماری ماں بہنوں پر ہونے والے ظلم اور ماں بہنوں کو برہنہ کیا جارہا ہے۔

انہوں نے کہا کہ یہ مہاراشٹر کو زیب نہیں دیتا ایسے حالات میں صدر راج نافذ کرنے کے علاوہ کوئی دوسرا چارہ نہیں ہے اس لیے اب سرکار پر صدر راج نافذ کر نے کی نوبت آپاگئی ہے اس لیے مجھے یہ مطالبہ کرنا پڑا ہے۔

سدھیر منگٹی وار کے مطالبہ پر وزیر اقلیتی امور نواب ملک معترض تھے انہوں نے اس کی مخالفت کی انہوں نے کہا کہ سدھیر منگٹی وار صدر راج نافذ کر نے کی دھمکی دیتے ہیں یہ عوام کی منتخب کردہ سرکار ہے یہ اکثریت سے چلتی ہے اس قسم کی دھمکی دینا مناسب نہیں ہے۔

انہوں نے سیاسی طور پر یہ مطالبہ کیا ہے اس میں سیاسی نظریہ کارفرما ہے نواب ملک نے ایوان کے کام کاج سے یہ مطالبہ حذف کرنے کی درخواست کی جسے سپیکر ملک قبول کرتے ہوئے یہ مطالبہ کی جانچ کے بعد اسے کام کاج سے نکالنے اور تذف کرنے کا حکم صادر کیا۔

نواب ملک نے سدھیر منگٹی وار کے مطالبہ پر اعتراض درج کروایا جس کا سابق وزیراعلی اور اپوزیشن رہنما دیویندر فڑنویس نے دفاع کیا۔

انہوں نے نعرے لگائے کہ لوک شاہی سرکار برخاست کرو اس قسم کا مطالبہ کرنے کا اراکین کا حق ہے یہ صرف خبر ہوتی تو سمجھا جاسکتا تھا لیکن اس کا ویڈیو کلپ وائرل کیا گیا آپ حساس معاملات پر کارروائی کرو اس میں تلملاہٹ ہے اس لیے اس قسم کا مطالبہ کیا گیا ہے۔

جلگاؤں لڑکی کو برہنہ کرکے رقص کروانے کے ویڈیو وائرل ہونے کے معاملہ میں ایوان اسمبلی میں اپوزیشن کے سخت تیور کے بعد اس دوران اس معاملہ میں چار رکنی کمیٹی تشکیل کی گئی ہے اور اسے دو دنوں میں تحقیقات کرکے کارروائی کا حکم دیا گیا ہے۔

اس قسم کی یقین دہانی آج اس معاملہ میں بحث کے بعد مہاراشٹر کے وزیر داخلہ انیل دیشمکھ نے کروائی ہے۔