سٹی مال میں آتشزدگی کے بعد ابوعاصم اعظمی کا ہنگامی دورہ

مہاراشٹر سماجوادی پارٹی لیڈر اور رکن اسمبلی ابوعاصم اعظمی نے مقامی کارپوریٹر اور رکن اسمبلی رئیس شیخ کے ہمراہ سٹی سینٹرل مال ممبئی سینٹرل میں آتشزدگی کے بعد آج ہنگامی دورہ کر کے تباہ حال دکانداروں کو سرکار سے امداد فراہم کرنے کا بھی مطالبہ کیا

ابوعاصم اعظمی نے مال میں داخل ہو کر خاکستر دکانوں کا بھی معائنہ کیا پولس اور فائر بریگیڈ عملہ سے بات کر نے کے ساتھ دکانداروں سے بھی نقصان کی تفصیلات لی اور راحتی کاموں میں بڑھ چڑھ کر ایس پی ورکروں کو ہدایت دی ہے

ابوعاصم اعظمی نے بتایا کہ اس آتشزدگی سے دکانداروں کو کروڑوں روپے کا نقصان ہوا ہے اس لئے اس کا پنچنامہ کر کے سرکارکو مالی اعانت دینی چاہئے تاکہ یہ پھر سے اپنے پیروں پر کھڑے ہو سکے ۔

واضح رہے کہ ناگپاڑہ علاقے کے سٹی سینٹر کے ایک مال میں آگ لگ گئی جس میں دو فائر بریگیڈ کے اہلکار زخمی ہوگئے ہیں۔ ریاست مہاراشٹر کے دارالحکومت ممبئی کے ناگپاڑہ علاقے کے ایک مال میں جمعرات کی شب آگ لگ گئی تھی۔ اس حادثے میں دو فائر بریگیڈ کے اہلکار زخمی ہوگئے ہیں۔