مہاراشٹر میں کورونا کے ایکٹو کیسز بڑھ کر 43100 سے تجاوز

ملک میں کورونا وبا سے سب سے زائد متاثر مہاراشٹر میں گزشتہ 24 گھنٹوں کے دوران فعال کیسز میں 99 کے مزید اضافے کے بعد جمعہ کے روز ان کی تعداد بڑھ کر 43،147 ہوگئی۔

ریاست میں اس دوران کورونا کے 2،771 نئے کیسز سامنے آنے سے متاثرہ افراد کی مجموعی تعداد برھ کر 20،21،184 ہوگئی ہے ۔

سرکاری ذرائع کے مطابق اس دوران مزید 2,613 مریضوں کے صحتیاب ہونے سے کورونا سے نجات پانے والوں کی تعداد 19،25،800 ہوگئی ہے اور مزید 56مریضوں کی موت ہونے سے مرنے والوں کی تعداد 51،000 ہوگئی ہے۔

ریاست میں مریضوں کے صحتیاب ہونے کی شرح 95.28 فیصد ہے جبکہ شرح اموات 2.52 فیصد ہے۔

واضح رہے کہ مہاراشٹر ملک میں کورونا انفیکشن ، اس کی زد میں آنے والوں ، صحتیاب ہونے والوں اور اس سے ہونے والی اموات کے معاملے پہلے نمبر پر ہے۔

یو این آئی