فلمی دنیا کے 'نائک' نے کیا کہا؟

بالی وڈ کے معروف اداکار انل کپور نے کہا کہ 'مجھے لگتا ہے کہ آدتیہ ٹھاکرے اور دیویندر فڑنویس مہاراشٹر کے لیے اچھا کام کریں گے۔'

بالی وڈ کے سپراسٹار انل کپور، اورنگ آباد میں ملبار گولڈ اور ڈائمنڈ شو روم کے افتتاح کے لیے آئے تھے۔

جہاں صحافیوں نے انل کپور سے پوچھا کہ وہ اپنی زندگی میں سیاست کا نائک کسے مانتے ہیں تو انہوں نے کہا کہ 'ان کا بالا صاحب ٹھاکرے سے خاندانی رشتہ رہا ہے اور آدتیہ ٹھاکرے یوتھ لیڈر ہیں اور مہاراشٹر کے وزیر اعلی دیویندر فڑنویس کے ساتھ ان کے اچھے تعلقات ہیں۔'

انل کپور نے امید ظاہر کی کہ آدتیہ ٹھاکرے اور دیویندر فڑنویس مہاراشٹر کے لیے کچھ اچھا کریں گے اور مہاراشٹر کو ترقی کی راہ پر لے جائیں گے۔'

انل کپور نے اس خواہش کا اظہار کیا کہ 'ملک کے نوجوان ملک کو آگے بڑھانے کی راہ میں کارآمد ثابت ہوں گے۔'