خطہ مراٹھواڑہ میں کورونا وائرس کے 384 نئے کیسز اور 15 ہلاکتیں

مہاراشٹر کے خطہ مراٹھواڑہ میں گزشتہ 24 گھنٹوں کے دوران کووڈ-19 کے 384 نئے کیسزاور 15 مریضوں کے فوت ہونے کی اطلاعات ہیں۔ہیلتھ کے افسران نے بدھ کے روز یہ اطلاع دی۔

تفصیلات کے مطابق گزشتہ 24 گھنٹوں کے دوران خطہ کے آٹھ اضلاع میں ضلع بیڈ کورونا وائرس سے سب سے زیادہ متاثر رہا جہاں 170 نئے کیسز رپورٹ ہوئے اور چھ افراد کی موت ہوگئی۔ اس کے بعد ضلع اورنگ آباد میں 91 نئے کیسز اور تین اموات ، ضلع جالنا میں 11 نئے کیسزاور تین افراد کی موت ، ضلع لاتور میں 29 نئے کیسز اور دو اموات، ضلع پربھنی میں 25 نئے کیسز اور ایک کی شخص کی موت ہوگئی۔

اسی طرح ضلع عثمان آباد میں 53 اور ضلع ہنگولی میں پانچ نئے کیسز درج ہوئے ہیں۔

ادھر ضلع ناندیڑ میں ابھی تک کوئی کیس سامنے نہیں آیا ہے۔

یو این آئی