دہلی سے آنے کے بعد دھاراوی میں رہنے والے افراد کی شناخت

ممبئی پولیس نے اس بات کی تصدیق کی ہے کہ دہلی کے نظام الدین علاقے سے آ کر دھاراوی میں رہنے والے دس افراد کی شناخت کر لی گئی ہے اور ان کا پتہ بھی لگا لیا گیا ہے۔

ممبئی پولیس نے اس بات کی تصدیق کی ہے کہ دہلی کے نظام الدین علاقے سے آ کر دھاراوی میں رہنے والے دس افراد کی شناخت کر لی گئی ہے اور ان کا پتہ بھی لگا لیا گیا ہے۔

پولیس نے بتایا کہ یہ افراد اس فلیٹ میں رہائش پذیر تھے جہاں یکم اپریل کو کورونا وائرس کا پہلا مثبت کیس سامنے آیا تھا۔ ان کا تعلق کیرالا سے ہے اور اپنی ریاست چلے گئے ہیں۔

پولیس نے کہا کہ کیرالا انتظامیہ ہی اس بات کی تصدیق کر سکتا ہے کہ کیا وہ کورونا وائرس سے متاثر ہیں یا نہیں۔

پولیس نے بتایا کہ آزاد میدان پولیس اسٹیشن میں تبلیغی جماعت کے 150 اراکین کے خلاف مقدمہ درج کیا گیا ہے۔ ان کے خلاف حکام کے احتیاطی اقدامات سے متعلق ہدایت اور قرنطینہ کے اصولوں کی خلاف ورزی کرنے پر مقدمہ درج کیا گیا ہے۔

پولیس نے آئی پی سی کی دفعات 271 اور 188 کے تحت ایف آئی آر درج کیا ہے۔

وزارت برائے صحت اور خاندانی فلاح و بہبود کے مطابق مہاراشٹر میں منگل کے روز کووڈ 19 کے 23 نئے کیس سامنے آئے ہیں جس کے بعد ریاست میں کووڈ 19 کے کل مریضوں کی تعداد 891 ہو گئی ہے۔