نہ دکاندار اور نہ خریدار

ریاست اتر پردیش کے مرادآباد کا محمد علی روڈ جس کو لوگ تحصیل اسکول چوراہے کے نام سے بھی جانتے ہیں۔ ماہ رمضان کے اس مقدس مہینے میں اس بازار میں رات بھر رمضان کی رونق بخوبی دکھائی دیتی تھی، اپنے لذیذ خانوں کے لیے رمضان میں پہچانے جانے والا یہ محمد علی روڑ رمضان میں لوگوں سے گلزار رہتا تھا، لیکن لاک ڈاؤن کے پیش نظر یہاں نہ تو کوئی دوکان دار ہے اور نہ ہی کوئی خرید دار۔

یہان چہار جانب سناٹا ہے اور دکانوں پر تالے دکھائی دے رہے ہیں۔ ماہ رمضان کے مقدس مہینے میں مرادآباد کا لذیذ کھانا حلیم اور بریانی کھانے کے لئے یہاں لوگ دور دور سے آیا کرتے تھے افطار اور سحری میں اس بازار کی رونق بخوبی دکھائی دیتی تھی لیکن لوگ ڈاؤن کے چلتے اب یہاں پر نہ دکاندار ہے اور نہ خریدار۔

خیال رہے ملک میں کورونا وائرس کے پیش نظر پہلے مرحلے کا لاک ڈاؤن 25 مارچ سے 14 اپریل تک 21 روز کے لیے کیا گیا۔ اس کے بعد دوسرے مرحلے کا لاک ڈاؤن 15 اپریل سے 3 مئی تک 19 روز کے لیے کیا گیا۔ تیسرے مرحلے کا لاک ڈاؤن 4 مئی سے 17 مئی تک 14 روز کے لیے کیا گیا۔ اس کے باوجود جب ملک بھر کے دیگر مقامات سے کورونا کے زیادہ معاملے سامنے آئے تو چوتھے مرحلے کا لاک ڈاؤن کیا گیا۔ چوتھے مرحلے کا لاک ڈاؤن 18 مئی سے 31 مئی تک 14 روز کے لیے کیا گیا۔

نہ دکاندار اور نہ خریدار