اتر پردیش کے سابق وزیر اعلیٰ اکھلیش یادو نے ایک پروگرام کے دوران اپنے بیان میں کہا تھا کہ مہاتما گاندھی، ولّبھ بھائی پٹیل اور جناح نے ایک ہی کالج سے تعلیم حاصل کی تھی اس بیان کے بعد وزیراعلیٰ یوگی آدتیہ ناتھ نے اکھلیش یادو کے اس بیان پر ردعمل ظاہر کرتے ہوئے کہا تھا کہ تھا کہ اب ان کی سوچ سامنے آنے لگی ہے۔ یہ لوگ سماج کو توڑنے کی بات کر تے ہیں۔
بی جے پی کے پنچایتی راج وزیر بھوپیندر چودھری نے اکھلیش یادو کے اس بیان پر کہا کہ اکھلیش یادو جس طرح کی سیاست کررہے ہیں وہ ملک کو بانٹنے والی پالیسی کے ساتھ کھڑے ہیں۔
ہردوئی میں جناح کا موازنہ ولّبھ بھائی پٹیل سے کیا ہے جو کہ غلط ہے سردار ولّبھ بھائی پٹیل کو ہم نایک کے طور پر جانتے ہیں وزیر چودھری بھوپیندر سنگھ نے مزید کہا کہ اکھلیش یادو کی سوچ طالبانی سوچ ہے جناح کی سوچ ہے ملک کو بانٹنے والی سوچ ہے۔ اب عوام سب کچھ سمجھ چکی ہے۔ ہم اکھلیش یادو کے بیان کو کوئی اہمیت نہیں دیتے۔