مرادآباد: گاڑیوں پر نمبر پلیٹ کے علاوہ کوئی دوسرا لفظ قبول نہیں

ریاست اتر پردیش کی سڑکوں پر دوڑنے والی گاڑیوں پر ذات، سماج، طبقات پر مبنی الفاظ لکھنے والوں کی اب خیر نہیں ہے۔ جن گاڑیوں پر اس قسم کے الفاظ لکھے ہوں گے محکمہ ٹرانسپورٹ ایسی گاڑیوں کے خلاف مہم چلاکر دفعہ 177 کے تحت چالان کرے گا۔

ریاست اتر پردیش کے مرادآباد کی سڑکوں پر ذات، سماج، طبقات کی برتری کا اظہار کرنے کے لئے گاڑیوں پر نمبر پلیٹ کی جگہ سماج، ذات یا طبقات کے نام لکھی گاڑیاں روزانہ سڑکوں پر رفتار بھرتی دکھائی دیتی ہیں۔ مرادآباد میں دو پہیہ اور چار پہیہ گاڑیوں کی کل تعداد لاکھوں سے زائد ہے اور گاڑیوں پر سماجی برتری پیش کرنے والے الفاظ لکھی گاڑیوں کی تعداد بھی کافی ہے۔

ٹرافک پولس اب ایسی گاڑیوں کا چالان کاٹ رہی ہے، جب ہمارے نمائندے نے مرادآباد کے فوٌارہ چوک کا جائزہ لیا تو دیکھا کہ بڑی تعداد میں ایسے چالان کاٹے جا رہے ہیں۔ اس دوران گاڑی مالکوں نے کہا کہ ہمیں اس قانون کا پتہ نہیں تھا اب اس کی جانکاری ملنے کے بعد ہم اس کو ہٹا دیں گے۔ ٹی ایس آئی انل تیاگی نے بتایا کہ ان سبھی گاڑیوں کے چالان کاٹے گئے ہیں جن گاڑیوں پر سماجی برتری کو ظاہر کرنے والے الفاظ لکھت تھے اور ان لوگوں سے پانچ پانچ سو روپیہ کا جرمانہ بھی وصول کیا گیا ہے۔