مرادآباد: پہاڑی علاقوں مسلسل بارش سے میدانی علاقے بھی متاثر

مراد آباد میں رام گنگا ندی میں پانی کا بہاؤ تیز ہوگیا ہے۔ پہاڑی علاقوں میں ہورہی مسلسل بارش کے سبب میدانی علاقوں میں اس کا اثر دیکھنے کو مل رہا ہے۔

گزشتہ کئی دنوں سے پہاڑوں علاقوں میں مسلسل ہورہی بارش کی وجہ سیلاب جیسی صورتحال کا سامنا ہے۔ پہاڑی علاقوں کے علاوہ اگر میدانی علاقوں کی بات کی جائے تو یہ علاقے بھی اس سے مستثنیٰ نہیں ہیں۔

ریاست اترپردیش کے شہر مرادآباد میں رام گنگا ندی کی صورتحال ابتر ہے۔ مذکورہ ندی میں طغیانی جیسی صورتحال کا سامنا ہے۔

مذکورہ علاقہ کے باشندوں کو ضلع انتظامیہ نے محفوظ مقامات پر منتقل ہونے کی ہدایت جاری کی ہے۔

ای ٹی وی بھارت کے نمائندہ نے جب رام گنگا ندی کا جائزہ لیا تو لوگ ایک کنارے سے دوسرے کنارے جانے کیلئے کشتی کا سہارا لے رہے ہیں۔

مذکورہ ندی کو پار کرنے کے لئے لکڑی کا پل بنا تھا جو کہ اب ڈوب چکا ہے۔

واضح رہے کہ رام گنگا ندی کے اطراف میں دس سے گیارہ گاؤں آباد ہیں۔ اس کے علاوہ کسان اپنے کھیتوں کی دیکھ بھال کے لئے اسی پل کے سہارے ہی آمد و رفت کرتے تھے۔ مگر پل کے ڈوب جانے سے آمد ورفت متاثر ہوئی ہے۔