یوم جمہوریہ کے موقع پر مرادآباد سے دہلی پہنچیں گے کسان

بھارتیہ کسان یونین کی نشست میں کئی فیصلے لئے گئے۔ یوم جمہوریہ کی پریڈ میں کسانوں نے شامل ہونے کا اعلان کیا ہے۔

ریاست اتر پردیش کے مرادآباد کے پی ڈبلو ڈی گیسٹ ہاؤس کے میدان میں بھارتیہ کسان یونین کی ایک میٹنگ منعقد ہوئی۔ اس میٹنگ میں سبھی کسانوں نے طے کیا ہے کہ 26 جنوری یعنی یوم جمہوریہ کے موقع پر مرادآباد سے بھارتیہ کسان یونین کے سبھی کارکن اور عہدیدار دہلی میں پریڈ کریں گے۔

بھارتیہ کسان یونین کے مہا نگر صدر رنوِیر سنگھ نے میڈیا سے بات چیت کرتے ہوئے بتایا کہ یوم جمہوریہ کے موقع پر ہم ہاتھوں میں قومی پرچم لیکر دہلی پہنچیں گے اور دہلی میں موجود کسانوں کے ساتھ ملکر پریڈ کریں گے۔ تین زرعی قوانین کے خلاف کسان مسلسل احتجاج کر رہے ہیں لیکن مرکزی حکومت تینوں قوانیں کو واپس لینے کو تیار نہیں ہے۔