ریاست اتر پردیش کے مرادآباد بریلی ہائی وے ٹول پلازہ پر تقریبا ایک سال سے تین زرعی قوانین واپس لیے جانے کی مانگ کو لے کر کسان احتجاج کر رہے تھے۔ ای ٹی وی بھارت اردو کے نمائندے نے بھارتیہ کسان یونین کے کارکن اور عہدے داروں سے خاص گفتگو کی۔
ویڈیو
کسانوں نے ای ٹی وی بھارت اردو سے بات چیت کرتے ہوئے کہا کہ یہ کسانوں اور غریبوں کی جیت ہوئی ہے۔ ہم اپنا احتجاج تب تک ختم نہیں کریں گے جب تک حکومت تحریری طور پر اس قانون کو واپس لیے جانے کا فیصلہ نہیں لیتی۔ ہماری ابھی اور مانگیں ہیں، ان مانگوں کو بھی پورا کئے جانے کا مطالبہ ہم کر رہے ہیں۔ ہمارے کسان رہنما راکیش ٹکیت کا جو بھی فیصلہ ہوگا اسکے بعد ہی مزید حکمت عملی طے کی جائے گی۔