اعظم خاں کو 15 دن میں جوہر یونیورسیٹی کیمپس کی سڑک کو پی ڈبلیو ڈی کے حوالے کرنے کا حکم دیا ہے۔
مولانا محمد علی جوہر یونیورسیٹی کے چانسلر اور رام پور سے رکن پارلیمان محمد اعظم خان پر پریشانیاں بڑھتی ہی جارہی ہیں۔
اس حکم نامہ کی وجہ سے یونورسٹی کے صدر گیٹ کو ہٹانا ہوگا اگر اسے نہیں ہٹایا گیا تو حکومت اس کو منہدم کرسکتی ہے۔
واضح رہے کہ جوہر یونیورسٹی کیمپس میں سڑک کی تعمیر سماج وادی حکومت کے دور میں پی ڈبلیو ڈی کے ذریعہ کی گئی تھی، حکومت تبدیل ہونے کے بعد محکمہ پی ڈبلیو ڈی نے اس روڈ کو اپنی ملکیت میں لینے کا دعویٰ کیا ہے۔
جس کی وجہ سے مقدمہ کی شنوائی کے دوران اعظم خان کی جانب سے سب سے پہلے دوسری عدالت میں مقدمہ چلانے کی درخواست دی گئی جس کو نامنظور کر دیا گیا ۔
ہائی کورٹ میں اپیل کرنے کے لیے وقت کی مانگ کو بھی کورٹ نے نامنظور کردیا، جس کے بعد ایس ڈی ایم صدر پی پی تیواری نے معاوضے کے طور پر کیمپس کے روڈ کو پی ڈبلیو ڈی کے حوالے کرنے کا حکم دیا ہے جس کے لیے انھیں 15 دن کی مہلت دی گئی ہے۔
اس کے علاوہ ایس ڈی ایم صدر رامپور کی عدالت سے یونیورسیٹی کے چانسلر پر تین کروڑ 27 لاکھ 60 ہزار روپئے کا معاوضہ بھی محکمہ کو دینے کا حکم جاری کیا ہے۔