مرادآباد: ذات کی بنیاد پر مردم شماری کرانے کا حکومت سے مطالبہ

ریاست اتر پردیش کے ضلع مرادآباد ڈی ایم دفتر کے باہر آزاد سماج پارٹی کے کارکنان و عہدےداران نے ڈی ایم کی معرفت صدر جمہوریہ کو ایک میمورنڈم دے کر پسماندہ طبقہ کی ذاتی مردم شماری کرانے کا مطالبہ کیا۔

آزاد سماج پارٹی کے ضلع صدر رمیش کمار نے میڈیا سے بات چیت کرتے ہوئے کہا کہ ابھی حال ہی کے دنوں میں 20 جولائی 2021 کو پارلیمنٹ میں دیے گئے جواب میں مرکزی حکومت نے کہا ہے کہ فی الحال حکومت اگلی مردم شماری 2021 کی مردم شماری ذات کی بنیاد پر نہیں کرے گی۔ جو کہ حکومت کا یہ رویہ پسماندہ لوگوں کے خلاف ہے۔

انہوں نے حکومت سے مطالبہ کرتے ہوئے کہا کہ سبھی ذات کے لوگوں کی مردم شماری ہونی چاہئے تاکہ یہ معلوم ہوسکے کہ کس کی کتنی تعداد ہے، جس کی جتنی تعداد ہوگی اس کی اتنی حکومت کے منصوبوں میں حصہ داری ہوگی۔ اس سے ملک مضبوط ہوگا اور ہر ذات کی ترقی ہوگی۔