چوری کے شبے میں نوجوان ہجومی تشدد کا شکار

ریاست اترپردیش کے ضلع میرٹھ کے قصبہ شاہجہاں پور میں ایک نوجوان کو بچہ چوری کے الزام میں ہجومی تشدد کا شکار ہونا پڑا۔

میرٹھ کے قصبہ شاہجہان پور میں ہجوم نے ایک نوجوان کو بچہ چوری کے شک میں شدید طور سے حملہ کرکے بری طرح زخمی کردیا۔

نوجوان کو تشویشناک حالت میں اسپتال میں داخل کرایا گیا۔ ویڈیو کی بنیاد پر پولیس نے نامعلوم افراد کے خلاف مقدمہ درج کرکے حملہ آوروں کی تلاش شروع کردی ہے۔

پولیس افسر آلوک سنگھ نے بتایا کہ 'نوجوان ریاست ہریانہ کا رہنے والا ہے۔ میرٹھ کے قصبہ شاہجہانپور میں دوا فروخت کرنے کے لیے آیا تھا عوام کو شک ہو گیا کہ یہ بچہ چوری کر رہا ہے جس کی وجہ سے عوام اس پر حملہ آور ہو گئی۔ پولیس نامعلوم افراد کے خلاف مقدمہ درج کر کے کارروائی کر رہی ہے اور نوجوان کو اسپتال میں علاج کے لیے بھیج دیا ہے۔'

واضح رہے کہ سماجی رابطے کی سائٹ پر اس وقت بچہ چوری کے کئی ویڈیوز گردش کر رہے ہیں، یہی وجہ ہے کہ جگہ جگہ پر بے قصور لوگوں کو بھی تشدد کا نشانہ بنایا جا رہا ہے۔