میرٹھ میں دیوالی کی دھوم

کورونا انفیکشن کے خطرے اور کئی پابندیوں کے باوجود دیوالی کا تہوار آج پورے ملک میں جوش و جذبے کے ساتھ منایا جا رہا ہے، میرٹھ میں بھی دیوالی کے پیش نظر نہ صرف گھروں میں بلکہ بازاروں میں بھی رونق نظر آرہی ہے۔

ریاست اترپردیش کے تاریخی شہر میرٹھ میں دیوالی کا تہوار جوش و خروش کے ساتھ منایا جارہا ہے، حالانکہ گزشتہ برسوں کے مقابلے تہواروں کی رونق کچھ پھیکی ضرور ہے لیکن میرٹھ جیسے تاریخی شہر جس کا ذکر رامائن میں بھی ملتا ہے جہاں پر خصوصی انتطام کے ساتھ دیوالی کا تہوار منایا جاتا ہے۔

قابل ذکر بات یہ ہے کہ میرٹھ شہر میں منائے جانے والے تہواروں میں بھائی چارے اور ہندوستان کی مشترکہ تہذیب کی بھی مثال پیش کرتے ہیں۔

شاعر اظہر اقبال نے میرٹھ شہر کی تاریخی حیثیت کو بیان کرتے ہوئے کہا کہ رمائن میں بھی اس شہر کا ذکر کیا گیا ہے، جس کی وجہ سے شہر میں دیوالی کے موقع سے خاص اہتمام کیا جاتا ہے۔