میرٹھ۔: موبائل کے لئے ماں کا قتل

موبائل کے لئے پیسے نہ دینے پر بیٹے نے سوتیلی ماں کا گلا دبا کر قتل کر دیا۔ قتل کرنے کے بعد خود بیٹے نے اپنے والد کو اس کی اطلاع دے کر اپنا جرم قبول کر لیا۔ قاتل بیٹے کو پولیس نے گرفتار کر جیل بھیج دیا ہے۔

میرٹھ کے سردھنہ تھانہ حلقہ کے اسلام آباد محلہ باشندہ خیجر نے اپنی سوتیلی ماں ریشما (35) کا گلا دبا کر قتل کر دیا۔ اٹھارہ سالہ نوجوان بیٹے نے اپنی سوتیلی ماں سے موبائل خریدنے کے لئے دس ہزار روپے کا مطالبہ کیا لیکن ماں کے انکار کرنے پر اس نے اپنی ماں کے دپٹے سے ہی اس کا گلا دبا کر قتل کر دیا۔

قاتل بیٹے نے خود اس کی اطلاع اپنے بات کو دی اور اپنے جرم کا اعتراف کر لیا۔ قتل کی تصدیق کے بعد قاتل بیٹے کو پولیس نے گرفتار کر جیل بھیج دیا جبکہ لاش کو پوسٹ مارٹم کے لئے میرٹھ بھیج دیا۔

موبائل کے لئے ماں کا قتل کردینے کی واردات سے علاقے میں کافی غصہ ہے۔