جمعیت علماء ہند، شہر میرٹھ کے ممبران نے کہا کہ ' ملک میں لاک ڈاؤن نے غریب اور مزدور طبقہ کے سامنے روزی روٹی کا مسئلہ پیدا کر دیا ہے۔ ایسے حالات میں عید کی خریداری کرنا مناسب نہیں ہے'۔
مسلمانوں سے عید کی خریداری نہ کرنے کی اپیل
میر ٹھ میں عید الفطر کے پیش نظر آج جمیعت علماء ہند، شہر میرٹھ کی جانب سے مسلمانوں سے اپیل کی گئی کہ عید کی خریداری نہ کریں۔
خیال رہے کہ ملک میں لاک ڈاؤن کے سبب سبھی طرح کی مذہبی تقاریب پر روك لگائے جانےکے بعد اب عید الفطر کا تیوہار بھی گھر میں رہ کر ہی منایا جائے گا۔ اور عید کی نماز بھی عید گاہ میں نہ ہونے سے مسلمانوں میں مایوسی ہے۔ جمعیت علماء ہند شہر میر ٹھ کے ممبران نے مسلمانوں سے عید کی خریداری نہ کرنے کی اپیل کی ہے۔ بلکہ اس رقم سے غریبوں کی مدد کرنے کی بات بھی کہی۔
ملک میں لاک ڈاؤن کے سبب سماج کے ہر طبقہ كو محدود کر دیا ہے ایسے حالات میں ہر صاحب حیثیت افراد كو ان بے سہارا لوگوں کی مدد کر نا ہی اصل عید ہو گی۔