اترپردیش کے ضلع میرٹھ میں راشٹریہ لوک دل کے رہنما جینت چودھری نے کسانوں کی حمایت کرتے ہوئے زرعی قوانین کے خلاف جاری مہم اور 26 جنوری کو کسانوں کے ٹریکٹر مارچ پروگروام کی تائید کرتے ہوئے عوام سے اپیل کی کہ' اس دن کو سبھی مناتے ہیں لیکن اس بار اس دن کو کسانوں کی حمایت کے طور پر منائیں'۔
ساتھ ہی یوگی حکومت کی ناکامی پر تنقید کرتے ہوئے انہوں نے کہا کہ' موجودہ ریاستی حکومت ذات برادری کے نام پر ریاست میں نفرت پھیلانے کا کام کر رہی ہے'۔
انہوں نے کہا کہ' زرعی قوانین کے خلاف کسانوں کا احتجاج اب حکومت سے آر پار کی لڑائی کی شکل اختیار کر چکا ہے۔ اسی کا نتیجہ ہے کہ کسان 26 جنورری کی پریڈ میں ٹریکٹر مارچ نکالنے پر سخت رویہ اپنا رہے ہیں۔ اب دیکھنا ہوگا کہ حکومت کسانوں کے مطالبات کا کوئی حل نکال پاتی یا یہ لڑائی ایسے ہی جاری رہے گی۔