کلدیپ سنگھ راٹھور نے نئے سال پر رسوئی گیس سلنڈر اور ریل کرایہ میں بھاری اضافہ پر مرکزی حکومت پر سخت نکتہ چینی کرتے ہوئے کہا کہ مہنگائی کی مار سے پہلے ہی پریشان عوام پر اس سے اور بوجھ پڑے گا'۔
مسٹر راٹھور نے آج جاری ایک بیان میں کہا کہ' رسوئی گیس سلنڈر اور ریل ٹکٹ کی قیمتوں میں اضافہ سے عام اور غریب لوگ بری طرح متاثر ہوں گے۔'
انہوں نے مرکزی حکومت پر مہنگائی پر قابو پانے میں مکمل طور ناکام رہنے، معیشت کو چوپٹ کرنے اور ملک کو درہم برہم کرنے کا بھی الزام لگایا۔'
انہوں نے دعوی کیا کہ' شہریت ترمیمی قانون اور قومی شہریت رجسٹر جیسے مرکزی حکومت کے اقدامات کے خلاف ملک میں عدم استحکام اور غصے کا ماحول ہے۔ لوگوں میں عدم تحفظ کا احساس ہے۔ ملک میں ایمرجنسی جیسی حالات ہورہے ہیں۔ کانگریس لیڈروں کو ملک میں کہیں بھی آنے جانے سے روکا جا رہا ہے'۔
مسٹر راٹھور نے کہا کہ' کانگریس، مرکز کی بھارتیہ جنتا پارٹی (بی جے پی) کی حکومت کے خفیہ ایجنڈے کو نافذ کرنے اور ملک کے آئین میں موجود سیکولر ازم کے اصل سے کوئی چھیڑ چھاڑ نہیں ہونے دے گی۔'
انہوں نے لوگوں پر زور دیا کہ' وہ بی جے پی کی عوام مخالف پالیسیوں کے خلاف کھڑے ہوکر کانگریس کو حمایت دیں جس سے ملک کو بی جے پی کے اقتدار سے باہر کیا جا سکے'۔