کیرالا کے ملاپورم میں دبئی سے آیا ایک 26 سالہ نوجوان قرنطینہ کے دوران اپنے گھر میں مردہ پایا گیا اور اس کی کورونا رپورٹ مثبت آئی ہے۔
ارشاد علی نامی یہ نوجوان دبئی میں کورونا سے متاثر ہوا تھا اور چار جولائی کو کورونا کی منفی رپورٹ کے ساتھ ہندوستان واپس آیا تھا۔ وہ تبھی سے قرنطینہ میں تھا۔ ارشاد علی میں اِس وقت کوئی علامات نظر نہیں آرہی تھیں اور وہ اپنے گھر میں آرام کر رہا تھا۔
پولیس ذرائع نے ارشاد علی کے کنبے کے حوالے سے بتایا کہ اس نے بدھ کی رات اپنی والدہ اور دوستوں سے بات چیت کی تھی لیکن اس کے بعد وہ مردہ پایا گیا اور اس کے ناک سے کافی خون بہہ چکا تھا۔
اس کی لاش کو منجری اسپتال لے جایا گیا ہے۔ اس کے خون کی جانچ سے پتہ چلا کہ وہ کورونا سے متاثر تھا اور اس وجہ سے اس کی موت ہوئی ہے۔ محکمہ صحت کے ذرائع نے کہا کہ موت کی اصلی وجہ پوسٹ مارٹم رپورٹ کے بعد ہی واضح ہو سکے گی۔
