ریاست اترپردیش کے ضلع ہردوئی سے ہمیشہ سرخیوں میں رہنے والے ہردوئی ڈسٹرکٹ مجسٹریٹ پلکیت کھرے ایک مرتبہ پھر اپنے نئے کام کو لے کر سرخیوں میں ہیں۔
اطلاع کے مطابق ڈسٹرکٹ مجسٹریٹ نےبتا یا کہ ہردوئی ضلع میں ہر ہفتے ایک کلچرل پروگرام کرائے جائیں گے۔
'گاؤں کے نوجوان بھی بے پناہ تخلیقی صلاحیت کے حامل' جس سے خاص طور پر گاؤں کے نوجوانوں کو بہت کچھ سیکھنے کو ملے گا، اور اس میں ضلع بھر کے نوجوان کمیٹی سے جڑ کر بہت کچھ سیکھ سکتے ہیں، اور اپنی تمام دشواریوں کا حل بآسانی یہاں سے تلاش کر سکتے ہیں۔
اس کلچرل پروگرام میں ناٹک ڈرامہ جیسے تمام تخلیقی کام کرنے کا موقع ملے گا،جس سے گاؤں میں رہنے والے نوجوان نکل کر باہر آئیںگے، اور لوگ آگے بڑھ کر بالیووڈ سے لے کر تمام انڈسٹری میں جانے کے قابل ہوں گے۔
ہردوئ کے کلکٹریٹ میں ہورہی یہ میٹنگ ہردوئ والوں کے لیے بے حد اہم ہے، اس میٹنگ کی صدارت ڈی ایم پلکیت کھرے کر رہے ہے، اس میٹنگ کا مقصد ہے کہ ہردوئی کے ان گاؤں سے بھی لوگ نکل کر باہر آئیں، جو گاؤں میں بےحد پچھڑے ہیں۔
اس کے علاوہ گاؤں والوں کے اندر چھپی ہوئی فن کارانہ صلاحیت بھی دیکھنے کو ملے جو کہ گاؤں میں چھپی ہوئی ہے۔
ڈسٹرکٹ مجسٹریٹ نے ہردوئی کے آڈیٹوریم میں گذشتہ روز ایک کلچرل پروگرام سے متعلق کی گئی ایک میٹنگ میں بتا یا، حالانکہ اس سے پہلے بھی اس طرح کے پروگرام ہو چکے ہیں لیکن اب اس کو ڈسٹرکٹ مجسٹریٹ نے ایک عملی جامہ پہنایا ہے۔
اس کے لیے باقاعدہ ایک کمیٹی بنائی گئی ہے، جس میں الگ الگ پروفیشن کے ماہر ین شامل ہیں، کسی کو ڈرامے کی بہتر جانکاری ہے، تو کوئی موسیقی کا ماہر ہے، اس طرح الگ الگ فیلڈ سے ماہر لوگوں کو ایک جگہ اکھٹا کیا گیا ہے، اور ان کی صلاحیت اور فن کے مطابق ان کے گروپ کو سلور، گولڈ، اور پلاٹینم کی شکل میں تقسیم کیا گیا ہے۔
واضح رہےکہ تقریبا 50 لوگوں کی یہ ٹیم ہر سنیچر کو اپنے اپنے قابلیت کے مطابق ایک پروگرام کرائے گی، اور اس میں ضلع بھر کے نوجوانوں کو بلایا جائے گا اور انہیں ایکٹنگ کا موقع بھی دیا جائے گا۔
ڈی ایم پلکیت کھرے کے اس قدم سے جو نوجوان ایکٹنگ کی فیلڈ میں اپنا مستقبل تلاش رہے ہیں، اس کامیاب قدم کے ذریعے ان کو ایک پلیٹ فارم ضرور مل سکے گا۔
