مدارس کے اساتذہ کے لیے اردو کی لازمیت ختم کرنے والی تجویز گورننس سے واپس

مدرسہ تعلیمی بورڈ اس کا جواب دیتے ہوئے دوبارہ گورننس کو اپنی تجویز ارسال کرے گا۔

اتر پردیش مدرسہ تعلیمی بورڈ لکھنؤ نے تقریباً ایک برس قبل یوپی گورننس کو ایک تجویز منظور کرنے کے لیے بھیجا تھا جس میں کہا گیا تھا کہ مدارس میں پڑھائے جانے والے اختیاری مضامین کے اساتذہ کے لئے اردو کی لازمیت کو ختم کیا جائے مثلاً ہندی، انگریزی اور ریاضی کے اساتذہ کے لیے اردو کی لازمیت کو ختم کیا جائے لیکن گورننس نے اس تجویز پر کچھ اعتراض کرتے ہوئے دوبارہ یوپی مدرسہ تعلیمی بورڈ کو واپس کردیا ہے۔


مدرسہ بورڈ کے رجسٹرار آر پی سنگھ نے بتایا کہ مدارس میں میں پڑھائے جانے والے انگریزی ہندی اور ریاضی کے اساتذہ کے لئے اردو کی لازمیت کو ختم کرنے کے حوالے سے گورننس کو تقریباً ایک برس قبل یہ تجویز بھیجی گئی تھی لیکن گورننس نے کچھ اعتراض کرتے ہوئے اسے مدرسہ بورڈ کو واپس بھیج دیا ہے۔ اب مدرسہ تعلیمی بورڈ اس کا جواب دیتے ہوئے دوبارہ گورننس کو اپنی تجویز ارسال کرے گا۔

انہوں نے بتایا کہ ایک مدرسہ میں ان مضامین کے لئے تقریباً ایک یا دو اساتذہ کی تقری ہوتی ہے، جن کو اردو سے واقفیت ضروری ہے۔ ایسے ٹیچرس بہت کم ملتے ہیں جو ہندی انگریزی اور ریاضی کے ساتھ اردو سے بھی واقفیت رکھتے ہوں، جس کی وجہ سے مدارس میں ان مضامین کے اساتذہ کی تقرری مشکل سے ہو پاتی ہے۔ لہٰذا اختیاری مضامین کے اساتذہ لیے اردو کی لازمیت کو ختم کرنے کے سلسلے میں تجویز بھیجی گئی تھی لیکن گورننس نے واپس کردیا ہے۔