بجنور: وزیر صحت نے ضلع ہسپتال کا دورہ کیا

ریاستی حکومت کی جانب سے دیے گئے حکم کے مطابق وزیرصحت اتل گرگ نے تمام ضلع ہسپتالوں کا دورہ کیا، دورہ کے دوران انہوں نے تمام کورونا وائرس متاثرین کے تعلق سے کسی بھی طرح کی لا پروائی نہ برتنے کی ہدایت دی۔

ریاست اترپردیش کے ضلع بجنور میں ریاستی وزیر صحت نے ضلع ہسپتالوں کا دورہ کیا۔ ساتھ ہی وزیر نے حاملہ خواتین کو سو سو روپے بھی بطور ہدیہ دیے۔

آپ کو بتادیں کہ حکومت کے فیصلے کے مطابق وزیر صحت نے کورونا وائرس متاثرین کے تعلق سے کسی طرح کی لاپرواہی نہ برتنے اور انہیں نظر انداز نہ کیے جانے کے معاملے سے ضلعی ہسپتا ل کا دورہ کیا۔

وزیر صحت اتل گرگ نے ہسپتال کے ساتھ ساتھ عام مریضوں کا بھی معائنہ کیا، وزیر صحت نے آملہ ہسپتال میں حاملہ خواتین سے معلومات اکٹھا کیں، کے انہیں وقت پر کھانا مل رہا ہے یا نہیں۔

اس دورہ کے دوران وزیر صحت کو ضلع ہسپتال میں کسی طرح کی خامیاں دیکھنے کو نہیں ملیں۔ وزیر صحت نے ہسپتال کے تمام طبی عملے کی ستائش کی۔