ریاست اتر پردیش کی 11 سیٹوں سہارنپور، رامپور، اگلاس، بلہا، لکھنؤ کینٹ، گویند نگر، مانک پور، پرتاپ گڑھ صدر، زید پور، جلال پور اور گھوسی میں ضمنی انتخابات ہونے ہیں ۔
ان تمام سیٹوں پر اب تک کل 11 امیدواروں نے پرچہ نامزدگی داخل کی ہے۔
لکھنؤ کینٹ سے بی ایس پی کے ارون ترویدی اور کانگریس پارٹی سے ڈی پی سنگھ نے پرچہ داخل کیا ہے۔
پرتاپ گڑھ سیٹ سے آل انڈیا مجلس اتحادالمسلمین پارٹی سے اسرار احمد
اور زیدپور سیٹ سے سینیئر کانگریسی لیڈر پی ایل پونیہ کے بیٹے تنج پونیہ نے پرچہ داخل کر دیا ہے۔
واضح رہے کہ ان تمام سیٹوں میں سے بی جے پی 9 سیٹوں پر قابض تھی۔
وہیں اگر کچھ خاص سیٹوں کا ذکر کیا جائے تو وہ رامپور کی سیٹ ہے جہاں سے اعظم خان اسمبلی رکن تھے
اسکے علاوہ جلالپور سیٹ سے بی ایس پی کے ریتیش پانڈے بڑی جیت درج کیے تھے۔
لکھنؤ کینٹ سے ریتا بہوگنا جوشی کی سیٹ پر بھی ضمنی انتخابات ہونے ہیں۔
یو پی ضمنی انتخابات میں بی جے پی، کانگریس، ایس پی اور بی ایس پی تمام پارٹیاں تنہا ہی انتخابات لڑنے کے لیے سوچ رہی ہیں۔