امروہہ: پولیس نے دو بدمعاشوں کو گرفتار کیا

جرائم پیشہ ملزمین کی فائرنگ سے پولیس کا ایک جوان زخمی ہو گیا جبکہ جوابی کارروائی میں پولیس کی فائرنگ سے بھی ایک ملزم زخمی ہوا ہے۔

امروہہ میں پولیس اور بدمعاشوں کا آمنا سامنا ہو گیا جس کے بعد بدمعاشوں کی گولی لگنے سے ایک پولیس کا سپاہی زخمی ہو گیا جبکہ ایک بدمعاش کو بھی گولی لگی ہے۔ پکڑے گئے بدمعاش پر ڈاکٹر کو اغوا کرنے کا الزام ہے۔

اترپردیش کے تھانہ امروہہ دیہات پولیس نے ایک بدمعاش کو انکاؤنٹر کے بعد گرفتار کیا ہے۔
پورے معاملے کی جانکاری دیتے امروہہ کے ایس پی وپن تنڈا نے بتایا کہ دیہات تھانہ علاقے کے دریا پور کے پاس پولیس چیکنگ کر رہی تھی، تبھی ایک کار تیز رفتار میں آتی ہوئی دکھائی دی، روکنے پر کار میں سوار بدمعاش نے پولیس پر فائرنگ شروع کر دی جس میں پولیس کا ایک جوان بھی زخمی ہوا ہے۔

انہوں نے بتایا کہ اس کے بعد پولیس نے جوابی کارروائی کی جس میں ایک بدمعاش کو گولی لگی اور اس کے ایک ساتھی کو گرفتار کر لیا گیا جبکہ ان کا تیسرا ساتھی فرار ہونے میں کامیاب ہوگیا۔

ایس پی نے بتایا کہ حراست میں لیے گئے بدمعاش کا نام کمل ہے اور اس پر ایک درجن سے زیادہ مقدمے درج ہیں۔

بدمعاش نے بتایا کہ اس نے ہی گزشتہ دونوں دیہات تھانہ علاقے سے ڈاکٹر کو اغوا کیا تھا۔ پولیس نے زخمی بدمعاش اور پولیس کے جوان کو ضلع اسپتال میں داخل کیا ہے جہاں دونوں کا علاج چل رہا ہے۔