اتر پردیش: شوہر کے ہاتھوں بیوی کا قتل

ناجائز تعلقات کے شبہ میں ریاست اترپریش کے ضلع بہرائچ میں شوہر نے بیوی کا قتل کر دیا۔

اترپردیش کے ضلع بہرائچ کے رانی پور علاقے میں معمولی کہا سنی کے بعد شوہر نے اپنی بیوی کا قتل کر دیا۔

پولیس ذرائع نے بتایا کہ رانی پور علاقے کے اچولیا میں ننکے نے اپنی بیوی کانتی دیوی(33) کو بانکا سے مار کر قتل کر دیا۔

بتایا جاتا ہے کہ ننکے کو اپنی بیوی پر ناجائز تعلقات کا شبہ تھا۔ اور اسی ضمن میں جمعہ کی رات دنوں میں جھگڑا ہوا تھا۔ اور صبح ننکے نے اس کا قتل کردیا۔

اطلاع ملنے کے بعد موقع پر پہنچے تھانہ رانی پور کے انچارج انسپکٹر نے ننکے کو گرفتار کرلیا ہے۔

پولیس نے معاملہ درج کرکے مزید چھان بین شروع کر دی ہے۔