پرینکا گاندھی کے قافلے کی متعدد گاڑیوں میں ٹکر

اترپردیش کے ہاپوڑ روڈ پر کانگریس جنرل سکریٹری پرینکا گاندھی کے قافلے کی گاڑیاں آپس میں ٹکرا گئیں۔ اس حادثے میں کسی کے زخمی ہونے کی اطلاع نہیں ہے۔ واقعے کے بعد قافلہ رام پور کے لیے روانہ ہوا۔

کانگریس کی جنرل سکریٹری پرینکا گاندھی آج اترپردیش کے رام پور کے دورے پر ہیں۔ راستے میں ان کے قافلے کو ایک حادثہ پیش آیا۔ قافلے میں شامل متعدد گاڑیاں آپس میں ٹکر گئیں۔

پرینکا گاندھی دراصل کسان تحریک میں ہلاک ہوئے کسان نونیت سنگھ کے اہل خانہ سے ملاقات کیلئے رام پور جا رہی تھیں کہ ہاپوڑ روڈ پر پر یہ واقعہ پیش آیا۔

کسان تحریک میں شامل شہید نونیت سنگھ کچھ دن پہلے کینیڈا سے آئے تھے۔ اور پر امن کسان تحریک میں شامل ہوئے تھے۔ وہ ٹریکٹر پریڈ کے دوران زخمی ہوئے تھے بعد میں ان کی موت ہوگئی۔

پرینکا گاندھی نونیت سنگھ کی رہائش گاہ رام پور جا رہی تھیں۔